A do të përsëritet për të tretën herë përmbysja e qeverisë?

Opozita i është rikthyer sërish skenarit të protestave me qëllim rrëzimin e Edi Ramës nga pushteti.

“Kemi një datë të dekretuar për zgjedhje lokale, por ajo datë nuk do jetë vetëm për zgjedhje lokale, do jetë dhe për zgjedhje të përgjithshme, pasi shqiptarët nuk mund të qeverisen nga një qeveri e korruptuar”, u shpreh sot kryetarja e LSI.

“Së pari vjen beteja dhe përballja e madhe për demokracinë dhe shtetin ligjor duke udhëhequr protestat popullore për rrëzimin e Ramës dhe për ta shporrur këtë model menjëherë e mirë institucionet, nga politika, nga Shqipëria. PD do ta udhëheqë këtë beteje jetike dhe do ta fitojmë këtë betejë. Të gjithë me pyesin si do e rrezosh Rama rrezohet vetëm nëse bashkojmë shqiptarët. Sfida me e madhe është sfida e besimit”, shprehet Basha.

Por pavarësisht thirrjeve opozita është bërë e pabesueshme. Kemi një opozitë brenda opozitës. Brenda saj ka probleme të shumta ku ka edhe gjobëvënës, grupi i PD s’ka më besueshmëri. Grupi i LSI-së akoma edhe më keq.

Po cilat janë ato dy qeveri të pas ’90-ës që kanë rënë me protesta?

E para është qeveria Nano e pa zgjedhjeve të 31 marsit 1991. Pak muaj më vonë, kabineti që shoqëroi si akt politik kalimin e PP-së në PS, u përballë me protesta masive që në ballë kishin minatorët e Valiasit, thjesht si gjenerator, pasi gjithçka u diktua nga Sindikatat e kohës së bashku me PD-në në prapavijë.

E dyta qeveri e rënë po nga protestat, por në një kontekst krejt tjetër, është ajo e Meksit në ‘97-ën. Ishte rënia e firmave piramidale, më pas hapja e depove dhe zhytja e vendit në kaos, që çoi në dorëheqjen e Aleksandër  Meksit si kabinet demokrat.

Në dy rastet, situatat kanë qenë të ndezura. Por në ndryshim nga sot  opozitatishin të forta. A do përsëritet një përbysje për tretën herë?

Me sa duket opozita është në aksion sa për sy e faq,e pasi realisht asgjë nuk ndryshon, ndryshimi pritet të vijë gjetkë…