Rama në Londër, por nuk jua merr mendja kush janë biznesmenët që e shoqërojnë

Kryeministri Rama po merr pjesë në një forum mbi Ballkanin Perëndimor në Londër, i organizuar nga “Financial Times” me temë: “Mundësia e investimit në një rajon me rritje të shpejtë”.

Në një foto e publikuar nga ministri për Sipërmarrjen Eduard Shalsi krahas ministres së Ekonomisë dhe Infrastrukturës, Belinda Balluku, drejtorit të Komunikimit, Endri Fuga, dallohen edhe biznesmeni i njohur Saamir Mane, si edhe Laonard Kastrati, djali i biznesmenit tjetër, Shefqet Kastrati.

“Inkurajues forumi i organizuar nga Financial Times mbi Ballkanin Perëndimor.  Folës të shquar dhe diskutime konstruktive që ofrojnë pikëpamje të vlefshme mbi ekonominë, politikën në Ballkanin Perëndimor, por edhe për mundësitë e investimeve të huaja”, shkruan ndër të tjera Shalsi.

Mane dhe Kastrati konsiderohen si dy njerëzit më të pasur në Shqipëri.