“Asaj i është shkulur zemra”, mikesha zbulon për herë të parë lidhjen me një vajzë që Kujtim Prodani e mbajti të fshehtë

Mikesha e kantautorit te njohur te ndjere, Kujtim Prodanit, qe humbi betejen me covid pak dite me pare, ka rrëfyer se në jetën e tij ishte një vajzë që e donte shumë dhe u kujdes për të deri në momentet e fundit, kur ai humbi betejën me COVID-19.

Skenaristja dhe tekst shkruesja e njohur Alda Bida tha se “mikesha e zemrës“ së Kujtim Prodanit, identitetin e së cilës nuk e zbuloi, ishte një person shumë i rëndësishëm për kantautorin.

Madje sipas Bidës, ajo ishte kritikja e tij më e mirë, me të cilën kuonsultohej për cdo gjë dhe nuk ia prishte asnjëherë.

Aida Bida u shpreh se kjo vajzë erdhi papritur në jetën e tij, por vendosi të mos e bënte publike pasi nuk dëshironte që gjërat e rëndësishme ti bënte publike.

“Kujtimi kishte një mikeshë zemre, një person që ka qenë dhe vazhdon të jetë tepër i rëndësishëm në vitet e jetës së tij fundit, ashtu si Flori vëllai i tij. Mikesha e tij e zemrës, që ishe shoqja, por më pas u bë edhe kritikja e tij më e mirë, shumë nga ne e njohin, e dinë kush është, asaj vërtet iu është shkulur zemra.

Të jenë të sigurtë që të gjitha kujtimet e tij, në këngët e fundit ka qenë ajo që e konsultonte. Ishte ajo që në momentet e fundit shkëmbente mesazhet me miqtë dhe shokët kur ai nuk fliste dot më, vërtet që asaj vajze nuk ia prishte dot kurrë. Ka qenë diskret sepse nuk donte që gjërat e tij të rëndësishme ti ndante me të tjerët, lidhja e dashurisë i erdhi natyrshëm, nuk është se e kërkoi.

Ajo është një vajzë aq e mencur, kishte një dashuri aq të madhe për Kujtimin saqë nuk e ndryshoi atë si njeri. Kaq shumë e desh dhe e do,”– rrëfeu skenaristja, e ftuar në emisionin “Rudina”.