Bëhuni gati për valën tjetër të shpërthimit/ OBSH përmend emrat e këtyre tre vendeve

Organizata Botërore e Shëndetit ka thënë se duhet një “vigjilencë ekstreme” tani që po dilet nga izolimi, raporton Reuters.

Gjermania raportoi një rritje të rasteve të infeksioneve pasi po gjykohet se ndërmori hapa shumë herët për të lehtësuar kufizimet. Koreja e Jugut, një vend tjetër që kishte arritur të dilte nga izolimi po sheh një shpërthim të ri të rasteve.

“Tani ne po shohim disa rreze shprese pasi shumë vende po lehtësojnë kufizimet” tha Dr. Mike Ryan, kreu i programit të urgjencave të OBSH-së por shtoi se:

“Nëse sëmundja vazhdon në një nivel të ulët pa mundësinë e testimit, gjithmonë ekziston mundësia që virusi të kthehet përsëri,” tha ai.

Drejtori i Përgjithshëm i OBSH-së, Tedros Adhanom Ghebreyesus, tha gjithashtu se heqja e kufizimeve ishte “komplekse dhe e vështirë” dhe se ishte e rëndësishme “dalja nga izolimi ne menyre te ngadaltë, dhe me disa kufizime qe duhet te mbeten ne fuqi.

Tedros tha se Gjermania, Koreja e Jugut dhe Kina kishin të gjitha sistemet për t’iu përgjigjur çdo rasti rishperthimi te virusit.