Çiljeta sqaron videon ku duket e mbuluar me shami për Ramazan: Ma kanë “çarë”…

Pak ditë më parë, ajo postoi një video ku shfaqej e mbuluar me shami.

Këngëtarja e njohur shqiptare, Çiljeta Xhilaga, ka folur sot në emisionin e pasdites me me Bieta Sulon mbi përditshmërinë e saj gjatë muajit të Ramazanit.

Shamia mjaftoi që të gjitha mediat të shkruanin për të.

E pyetur nga Bieta, këngëtarja e konsideroi normale videon në fjalë, duke treguar se në fakt prej vitesh ajo është besimtare e fesë myslimane dhe ka agjëruar edhe herë të tjera.

“Ma kanë çarë telefonin pasi kam nxjerrë këtë video, sa thashë ‘Ç’deshe moj gocë, ishe mirë!’ Nuk është ndonjë gjë uau, thjesht ishte hera e parë që e deklaroja kaq hapur ose fakti që isha e veshur me shami. Unë atë ditë kam qenë duke shkuar në xhami. Ka qenë dita e parë e Ramazanit dhe doja të gjeja një formë për të uruar të gjithë besimtarët myslimanë. Unë si Çiljetë, me ato ndjesitë e mia përbrenda, bëra një video dhe më dolën ca fjalë zemre”, sqaroi ajo.