E kërkon me ngulm SHBA, ndërtimi i Gjykatës Kushtetuese, sot pati një zhvillim të rëndësishëm



Teksa nga SHBA është kërkuar që në fund të vitit të kemi një Gjykatë Kushtetuese funskionale, sot ka pasur një hap para në këtë drejtim.



KED ka miratuar lejimin e kandidimit të prokurorit Altin Binaj për vendin vakant në Gjykatën Kushtetuese.



Por ndërkohë KED i ka ndaluar kandidimin Artan Spahiut dhe Dedë Kasnecit duke i skualifikuar. Kurse Gentian Mete është tërhequr nga kandidimi.

Altin Binaj ka kaluar vetingun teksa më parë ka qenë prokuror në Prokurorinë e Përgjithshme dhe drejtues i Prokurorisë së Apelit në Vlorë.

Ky vendim i KED vjen pas kritikave që Meta u drejtoi sot për vonesat që po bënte ky institucion lidhur me emërimet që çojnë në ringritjen e Gjykatës Kushtetuese dhe asaj të Lartë.

Deri më tani Gjykata Kushtetuese përbëhet nga Vitore Tusha, anëtare me kompetenca kryetari, Fiona Papajorgji, Elsa Toska dhe Marsida Xhaferllari.