Elisa Spiropali: Nuk futemi në zgjedhje pa opozitën

Pas 4 orësh ka përfunduar mbledhja e kryesisë së PS-së në të cilën është diskutuar për gjendjen aktuale të politikës, fushatën elektrorale dhe përzgjedhjen e kandidatëve për 61 Bashkitë e vendit.

Në një deklaratë për shtyp, Elisa Spiropali është shprehur se nuk do të futet në zgjedhje pa opozitën, dhe se partia socialiste është e gatshme t’u ofrojnë shqiptarëve dhe votuesve të saj gjithashtu zgjedhje të lira dhe të ndershme.

“Nuk shkojm në zgjedhje pa opozitën por dua të them që nuk është zgjedhja as kërkesa dhe as dëshira jonë që të futei në zgjedhje pa opozitën pa Partinë Demokratët dhe LSI-in. Por ky ishte vendimi i tyre.

Sot mbajtëm mbledhjen e Kryesisë së Partisë Socialiste. PS nuk negocion për zgjedhjet. Zgjedhjet janë më 30 qershor dhe Partia Socialiste ka vendosur të marrë pjesë si subjekt politik. Ne diskutuam sot për kandidatët më të mirë që mund të kemi për secilën bashki të vendit. Deri më 13 maj do të dalin edhe koalicionet e plota dhe kandidatët për kryetarë të bashkive.

Nuk jemi këtu për të diskutuar e për të vendosur datën e zgjedhjeve, këto janë çështje kushtetuese, ne jemi një parti politike që i përgjigjet kësaj thirrje. Ne nuk do të marrim pjesë në luftë por në zgjedhje dhe shpresojmë që asnjë kryetar të partive politike nuk e ka lënë mendja që të pengojnë shqiptarët të votojnë. Çdo akt dhue është i papranueshëm dhe do të ndëshkohet.

Është një turp që PD ka zgjedhur t’i lërë në rrugë zgjedhësit e saj duke djegur mandatet dhe duke mos hyrë në zgjedhje. Turp për ato parti që kanë marrë këtë vendim. Do bëjmë përzgjedhjet më të mira për kandidatët do t’i zgjedhim sipas kontributit ët tyre”,- deklaroi Spiropali.