FSHF i ofroi kontratë 4 vjeçare, çudit me deklaratën Reja

Kontrata e trajnerëve të kombëtares përfundon ditën e nesërme dhe janë në vijim tratativat për rinovim.

Drejtues të FSHF-së dhe Edi Reja kanë pasur një takim ditën e sotme ku kanë biseduar në lidhje me kontratën e re, ku nga të dy palët ka pëlqim për të arritur marrëveshje dhe sa i përket termave financiar nuk ka asnjë kleçkë pasi janë dakordësuar.

Drejtues të FSHF-së i kanë ofruar atij kontratë katër vjeçare, por 74-vjeçari ka kërkuar kontratë dy vjeçare duke parë moshën që ai ka. Italiani ka theksuar se një kontratë 4 vjeçare është një risk i madh për t’ia ofruar një 74-vjeçari, bëjnë me dije burime për Top Channel.

Nëse do të ketë dakordësim Reja do të përfitojë 300 mijë euro në vit, teksa momentalisht FSHF paguan dy trajnerë, edhe Kristian Panuçin.