Komisioni Hetimor për Metën nuk ‘vonon’, 4 mbledhje brenda muajit, gushti vendimtar për…

Komisioni hetimor për shkarkimin e presidentit Ilir Meta do të zhvillojë sot mbledhjen e parë.

Mbledhja do të zhvillohet në orën 13:00.

Hapi i parë që do të ndërmerret do të jetë ngritja e një sekretariati teknik që do punojë edhe gjatë muajit gusht.

Ndërkohë, brenda muajit korrik komisioni hetimor do të zhvillojë dhe 3 ose 4 mbledhje të tjera.

Kuvendi i Shqipërisë, gjatë seancës të së hënës, miratoi me 101 vota pro dhe 6 kundër ngritjen e komisionit hetimor parlamentar për shkarkimin e Presidentit Ilir Meta, me argumentin se ka shkelur rëndë Kushtetutën, me dekretin për anulimin e zgjedhjeve të 30 qershorit.

Komisioni, i cili do të zgjasë tre muaj, ka në përbërje të tij  9 anëtarë, 5 nga PS dhe 4 nga opozita e re.

Në krye të komisionit hetimor është kryetari i Komisionit të Ligjeve, Ulsi Manja.