Lajm i rëndë/ Doli xhiro me djalin 4-vjeçar, zhduket aktorja e njohur, gjendet vetëm i biri, mendohet se…

Një ngjarje e rëndë ka ndodhur. Mësohet se aktorja e njohur e filmit “Glee” Naya Rivera, 33 vjeç ka humbur pas një vizitje që bëri në në një liqen në Kaliforninë Jugore.

Zyra e Sherifit të Qarkut Ventura tha se përpjekjet e kërkimit do të rifillojnë sa më shpejt, ndërsa dyshimet e para janë se ajo mund të jetë mbytur.

Rivera shkoi në liqen pasditen e së mërkurës dhe mori me qira një varkë me djalin e saj të vogël. Të dy u panë duke dalë me varkë në liqen së bashku, tha kapiteni i Sherifit, Eric Buschoë në një konferencë shtypi.

Rreth tre orë pasi dolën, një tjetër varkë pikasi fëmijën që po flinte në varkën e aktores i vetëm. Autoritetet u njoftuan dhe ata filluan kërkimet nga ajri dhe me një ekip zhytjeje.

Djali 4-vjeçar kishte një jelek shpëtimi ndërsa nëna e tij nuk mendohet ta kishte veshur, pasi një jelek u gjet në varkë. Lajmet për zhdukjen e saj kanë alarmuar familjen dhe fansat e aktores, të cilët po luten për një mrekulli.

Rivera është e njohur për rolin e Santana Lopez në serialin e Fox tv për gjashtë vjet nga 2009, dhe u shfaq në çdo episod të tij. Ajo gjithashtu ishte pjesë e sitcomit të CBS “The Royal Family” dhe në filmin komedi “The Master of Disguise.”