Mallëngjyese/ Nëna dhe djali takohen pas plot 57 vitesh

Një ngjarje prekëse na vjen nga Kosova ku një nënë dhe djali i saj janë takuar pas plot 57 vitesh.

Nënën e kërkoi për 57 vjet por, e gjeti vetëm falë vëllait që i lindi më vonë me babanë tjetër.

Kështu, këto ditë mori fund vuajtja e Ruzhdi Ismajlit dhe Hajrie Bajramit, të ndarë gati gjashtë dekada më parë.

Ky ribashkim me histori filmash, i ka ndezur të gjitha emocionet te nëna 76-vjeçare.

“E gjeta nenën dhe e pashë nanën teme qe më ka pru në këtë botë, ma e mira nanë”, ka thënë Ruzhdi Ismajli për Klan Kosova.

Burri që tani ka 57 vjet thotë se shpesh e mendonte nenën e tij edhe pse nuk e kujtonte fare.

Më të vështirë e pati Hajria që pas ndarjes nga burri, familja e martoi diku tjetër.

Këtë takim e mundësoi djali më i vogël i Hajrisë, i cili e kërkoi vëllanë e tij dhe në takimin me të i tha “Çka ta merr menja me kanë unë vëllai yt më i vogli?”, kishte pyetur vëllai i vogël, i cili edhe nuk mund t’i përshkruante emocionet në ato momente.

VIDEO