Me diabet dhe probleme në mushkëri, mësuesja: Si e mposhta koronavirusin!

Një mësuese e shkollës së mesme në Britani, që vuan nga diabeti përpos problemesh të tjera mjekësore, ka rrëfyer sesi u prek dhe u shërua nga koronavirusi. Sarah Hall, e cila 26 vjeç i mbushi javën e kaluar teksa luftonte me sëmundjen, tregoi frikën që e madhe që e kishte pushtuar.

Përveç diabetit të tipit 1, ajo vuan dhe nga një sëmundje e quajtur A1AT që prek mushkëritë dhe mëlçinë. Në fillim të marsit, mësuesja e re nisi të mos ndihej mirë, por ia vuri të gjithë fajin lodhjes dhe stresit të mësimdhënies. Më tej, pa se kishte nisur ta ndiente të ftohtin më shumë se zakonisht.

Kur i filloi kolla, në punë e këshilluan që të vetëizolohej për 14 ditë dhe ashtu bëri. Situata arriti deri aty sa t`i dukej gjatë gjithë kohës sikur do t`i binte të fikët. “U përpoqa të ruaja qetësinë, piva shumë lëngje dhe e hoqa mendjen nga Covid 19”, rrëfen vajza.

Nuk vonoi sidoqofte që t`i shfaqeshin dhe simptoma të tjera, kollë e fortë, të vjella e vështirësi në frymëmarrje. 26-vjeçarja përfundoi në spital e dehidratuar rëndë.

Atje iu administruan mjekime e lëngje, dhe një javë më vonë, nisi përmirësimi. Pavarësisht se ishte në kategorinë më të rrezikuar nga sëmundja, Sara arriti ta mposhtë koronavirusin.