“Meqë ‘qeni’ i vetëm që ka lehur jam unë…” gazetarja i ‘përvishet’ Ballukut dhe Ramës: Besoj se jeni të vetëdijshëm për çfarë nxirrni nga goja

“Air Albania” është kthyer në një burim debatesh në arenën politike e mediatike, ndërsa sot ministrja Balluku në një prononcim për mediat për kompaninë i cila ishte zhdukur, prej kohësh, njoftoi firmosjen e marrëveshjes tripalëshe financiare.

Këtë e shpërndau edhe Kryeministri në “Facebook”, teksa e shoqëronte me përshkrimin: “Qentë le të lehin vazhdimi dihet”.

Kjo ka shtyrë gazetaren e “Fax News” Mirilda Tili, që t’u përgjigjet këtyre deklaratave, ndërsa shkruan:

“Meqe “qeni” i vetem qe ka lehur jam une, dhe media ku punoj, po i kthej nje pergjigje zonjes ministre te Infrastruktures dhe Energjise”.

Gazetarja teksa ngre pikëpyetjet e saj lidhur me nisjen e fluturimeve të “Air Albania”, njëherësh shtron disa pyetje për ministren Balluku:

“Zonja Balluku, ju thoni se shpejti. Madje keni thene qe duhen edhe 10 dite, per te marre lejen e fluturimit nga autoritetitet. Zonje, a nuk e dinit ju kete qe ne fillim? Qe kur po bojatisnit avionin? ( Me sakte qe kur shpenzuat 150 mije euro per kete proces, sipas asaj qe keni deklaruar vete ju). A doni tju vendos linket e deklaratave tuaja dhe te kryeministrit? Apo kot te lodhem, se i dini me me mire nga une. Besoj te pakten per cfare nxirrni nga goja do te jeni te vetedijshem.

Une do vazhdoj te rrefuzoj besimin ne fjalen tuaj. Por kur Air Albania te filloje fluturimet, bileten do ta blej me qejf. Vetem qofsha ne Shqiperi”.