Ndahen pas 21 vitesh martesë, kur ish burri sëmuret, gruaja bën gjestin që askush nuk do e bënte. Prekëse historia e këtij çifti

Ata ishin fejuar që në gjimnaz, e pas 21 vitesh martesë, ndahen. Mary Ziegler dhe Bill Henrichs kanë prekur mbarë botën për shkak të një gjesti heroik dhe fisnik që ka kryer ish gruaja në këtë rast. Ajo i ka dhuruar një veshkë ish bashkëshortit të saj.

Bill dhe Mary, të dy 62 vjeç, mbetën shokë të mirë pas divorcit sepse menduan se kjo do t’ua bënte jetën më të lehtë dy fëmijëve të tyre.

“The Washington Post” shkruan se veshkat e Bill nisën të mos funksionojnë më si duhej, kështu që mjekët i thanë se kishte nevojë për një transplant të menjëhershëm. Më pas, familjarë dhe miq të tij të ngushtë u testuan nëse mund të ishin pozitivë si donatorë të veshkës. E vetmja që kishte pajtueshmëri ishte ish bashkëshortja e tij, Mary.

Gruaja fisnike nuk hezitoi për asnjë sekondë: “Ai dhe unë jemi rritur bashkë, kemi dy fëmijë, dhe e dija që bijtë dhe nipërit e mi kishin nevojë për babain dhe gjyshin e tyre”.

Në tetor 2018, të dy hynë direkt në sallën e operacionit në Mayo Clinic në Rochester, Minnesota. Operacioni doli me sukses dhe Ziegler shpëtoi ish bashkëshortin. Ky dhurim i mundësoi Henrich të shmangte muaj apo vite të tërë në dializë, në pritje të një veshke.

“Eshtë e pabesueshme ajo që ka bërë, e falënderoj ende kur zgjohem natën dhe mendoj”, thotë Bill. Më tej shton se para operacionit kishte pyetur Maryn: “Çfarë të bëj unë, nëse të ndodh diçka?” dhe ajo i ishte përgjigjur: “E çfarë duhet të ndodhë?”

Ziegler ka thënë: “E di që ai dhe Linda më janë mirënjohës dhe jam e kënaqur që munda t’i ndihmoj, do të thoja që e gjithë kjo eksperiencë na ka afruar shumë”./ShkodraNews