Nga 1 janari, WhatsApp nuk do të punojë në këta telefona

Me nisjen e vitit të ri, një nga aplikacionet më të përdorura edhe për shqiptarët, nuk do të ofrojë më mbështetje për sistemet operative.

Lajmi u raportua nga vetë kompania e cila ka bërë një postim në faqen zyrtare të saj.

Ku thuhet se përdoruesit e BlackBerry OS dhe BlackBerry 10, Windows Phone 8.0 dhe pajisjet më të vjetra, si dhe Nokia S40 nuk do të jenë në gjendje të përdorim WhatsApp-in siç duhet pas 31 dhjetorit 2017.

“Për shkak se nuk do të ofrojmë më aktivitete për këto platforma, disa karakteristika mund të mos funksionojnë në çdo kohë,” thuhet ndër të tjera në njoftim.

Sipas njoftimit të kompanisë, edhe pse këto pajisje kanë qenë pjesë e rëndësishme e historisë së aplikacionit, nuk ofrojnë më aftësitë e nevojshme për të zgjeruar karakteristikat e WhatsApp.