Ola Brukon e heqin nga emisioni, pas mesazheve të shumta reagon: Do dëshiroja që askush…

Moderatorja e dashur për publikun shqiptar, Ola Bruko nuk do të jetë më moderatore e emisionit qe prek zemrat “Shqiptarët për shqiptarët”.

Mbrëmjen e djeshme publiku vuri re se Ola mungonte në puntatën e parë të emisionit i cili u drejtua vetëm nga Elvis Naçi dhe Sidrit Bejleri.

Pas mesazheve të shumta që ka marrë, Ola ka reaguar me një status në rrjete sociale ku deklaron se është larguar, por nuk ka qenë vendimi i saj.

“Mirëmbrëma te gjithëve! Ndjej detyrimin të shkruaj dy fjalë për të gjithë ata njerëz që kanë nisur të më shkruajnë që prej orës 21.00 kur në ekranin e News24 nisi sezonin e ri emisioni aq shumë i dashur për mua dhe për ta “Shqiptarët për shqiptarët”. Për ata por edhe për të tjerët që pyesin veten “çfarë po ndodh?”.. Une nuk do të jem më moderatorja e programit tuaj të dashur, por vetem pjesë e ekipit të tij. Ky nuk ishte një vendim i imi! Do dëshiroja që askush të mos ndikohej nga ky detaj për të dhënë kontributin për ata njerëz që kanë vërtet halle e nuk duan të dinë fare se kush moderon e kush jo! Une vazhdoj të besoj te mirësia! Uroj edhe ju!”, shkruan Ola Bruko.