Qeveria vendos t’i bëjë një “dhuratë” Shkodrës, ja çfarë kanë katranosur kësaj radhe



Qeveria shqiptare po vendos t’i bëjë një tjetër “dhuratë” Shkodres në prag të zgjedhjeve të 25 prillit 2021. Ndërsa në njërin krah Ilir Beqaj, i deleguari i qarkut vijon të kërkojë vota e të bëjë llogari për marrjen e sa më shumë mandateve, në krahun tjetër nga Tirana eprorët e tij vijojnë të mendojnë si ti reduktojnë drejtoritë rajonale Shkodres.



Mësohet se me reformën e re që ka parashikuar qeveria, Inspektoriati i punës do të reduktohet nga 12 në 6 filiale të mëdha rajonale, e ku Shkodra pritet sërish të jetë jashtë kësaj liste. Lufta ka nisur dhe më të fortit në PS arrijnë të marrin edhe më shumë, e këtë e kanë dëshmuar në këto vite, ku qarkun e Shkodres e kanë kthyer në një provincë të Lezhës, një rajoni shumë herë më i vogël se Shkodra dhe me më pak tradita në të gjitha drejtimet e qeverisjes së vendit.



I deleguari i PS në Shkoder Ilir Beqaj deri më sot e ka shmangur në komentet e tij këtë gjë, madje duke shpejtuar të ndërrojë argumenta përballë kujdo që e ka pyetur perse një persekutim i tillë ndaj një qyteti si Shkodra.

Edhe këtë herë ISHPSHSH duket se ka nisur rrugëtimin për të lënë metropolin verior, por nuk dihet se cili është destinacioni final i tij.

Janari i 2021 pritet të zbardhë më shume të verteta rreth kësaj reforme dhe deri atëherë mbetet për tu pritur se cili do të jetë justifikimi i Beqaj dhe grupit të socialistëve që kanë marrë përsipër fushatën në këtë qytet që nuk po rreshtin se trajtuari me indiferentizëm.