Rama dhe Nikolla plotësojnë kërkesën e parë, studentët: Plotësoni tre të tjerat, përndryshe…

Qeveria ka shfuqizuar zyrtarisht pikën 4 të ligjit për Arsimit në Lartë, ku parashikohen tarifa shtesë për provimet e martuara. Kjo është një prej katër kërkesave që kanë paraqitur studentët protestues.

Ndërsa ministrja Lindita Nikolla ka reaguar sërish në një deklaratë për mediat, pas vendimit të studentëve për të mos u tërhequr nga protesta. Nikolla u shpreh se kemi kohë që po presim angazhimin e studentëve, dhe sipas saj ato nuk kanë informacion për Reformën e Arsimit të Lartë. Nikolla theksoi se do të ngrihet një grup pune për kërkesën 2,3, dhe 4 me ministrinë, rektorët, dhe me këshillat studentor.

“Faleminderit që keni përcjellë të gjithë komunikimin në këto ditë. Më vjen mirë që kam marrë reagim inkurajues nga disa këshilla studentorë. Kemi kohën që presim një angazhim edhe më të madh të studentëve për modernizimin e çdo institucioni të arsimit të lartë. Kjo protestë tregoi se sa pak informacion dhe sa pak komunikim kishte tek studentët për atë që sjell reforma e arsimit të lartë. Më shumë se sa rëndësia për të shfuqizuar pikën 4 të VKM kjo protestë ia vlejti shërbeu si një katalizator për një debat shterues brenda universitetit. Kam marrë një kërkesë nga këshillat studentorë që e miratoj me të dy duart që të ngrihen grupe pune për 3 pikat e tjera. Jam shumë dakord për të ndërtuar një dialog ku çdo aktor në jetën e universitetit t’i bëjë transparente për gjithçka që bëhet në jetën universitare”, tha Nikolla