Reagon Spiropali: Vëllai im nuk ka marrë fonde publike, do padis Partinë Demokratike

Ministrja për Mardhëniet me Parlamentin, Elisa Spiropali, ka reaguar pas akuzave të Partisë Demokratike, se familja e saj ka përfituar fonde publike në konflikt interesti. Spiropali shprehet se një gjë e tillë nuk është e vërtetë dhe se vëllai i saj nuk ka përfituar asnjëherë fonde publike. Spiropali thotë se do të padisë “bartësit dhe përçuesit e korrullëkut politik”.

Reagimi i plotë: 

E porosit Saliu, pastaj e nxjerr një frëngji e paguar nga fondet e zeza te Shqupit, pastaj del në këndin e shpifjeve dixhitale të Saliut, pastaj e këndon recituesja e Shqupit dhe ja u krye hedhja e bojës mbi tjetrin! Sot ishte radha ime dhe këtë radhë u bë im vëlla mish për top i kësaj opozite mavri me boje. Vëllai im nuk ka përfituar kurrë dhe asnjëherë asnjë kontratë apo fond publik, as kur isha beqare, as kur u martova, as kur isha aktiviste, as kur isha drejtore, e as tani si ministre. Po fjalët me këta gojështhurur janë të tepërta. Padia është e vetmja rrugë me këta bartës e përçues të horrllëkut politik. Në gjykatë le të provojnë çfarë akuzojnë ose përndryshe paratë për dëmin do të shkojnë për të ndihmuar kopshtin e Kolonjës.