“Sëmundjen e mora vesh ditën e dasmës, qava pa ndalim, por …”, rrëfimi i pazakontë t.rondit emisionin



Pak dite me pare u nda nga jeta akademiku i njohur Mojkom Zeqo. Djali i tij, Epidamn Zeqo në një rrëfim prekës, tregoi se sëmundjen e rëndë të të atit e ka marrë vesh ditën e e dasmës së tij.



Mirela Miroli: Si e përballuat sëmundjen e Moikomit?



Epidamn Zeqo: Ditën që e mora vesh se babi kishte leukemi kronike, ishte dita e dasmës sime, si të thuash dita më e lumtur, por edhe më e rëndë. Qava gjatë dasmës normale, por edhe u gëzova shumë edhe bëmë party. Është e vështirë me këtë sëmundje, është sëmundje që kontrollohet e menaxhohet, por që nuk shërohet. Kërkon kimioterapi, kërkon ilaçe të tjera.

Mirela Miroli: A ishte i fortë?

Epidamn Zeqo: Ishte i fortë, prandaj duroi kaq shumë. Ai ka qenë kampion noti. Unë e mbaj mend babin që gjithmonë ecte para dhe shumë shpejt,e mbaj mend të fuqishëm e normale kur e shikon degradimin trupor, të vjen keq. Është shumë e dhimbshme, e shkuara në spital, lufta që mami im ka bërë për të siguruar ilaçet për babin kanë qenë të tmerrshme e të lodhshme për të gjithë.