“Shkolla mbyllet në 2 nëntor për 3 muaj”, Ministria e Shëndetësisë del urgjent dhe sqaron emailin që po qarkullon në internet



Një email që ka qarkulluar online ne email e shumë mësuesve dhe prindërve se ministrja e Shëndetësisë ka vendosur që të mbyllë shkollat për shkak të situatës me COVID-19, ka bërë xhiro edhe në rrjetet sociale.



Në emailin që publikohet si më poshtë thuhet se do të mbyllet procesi mësimor për shkollat publike dhe jo publike duke nisur nga data 2 nëntor, për një periudhë 3 mujore.



Por si qëndron e vërteta?! ‘BalkanWeb’ u interesua pranë Ministrisë së Shëndetësisë, ndërkohë që u konfirmua zyrtarisht se ky email nuk është i vërtetë. Burime zyrtare nga MSH përgënjeshtruan për ‘BalkanWeb’ faktin se ishte marrë një vendim i tillë për mbylljen e shkollave dhe se emaili është fals.