“Shtëpinë e kam ditur hotel”/ Monika Kryemadhi dhe Ilir Meta zbulojnë si e kalojnë pasditen: Para se ta përdorim…

Kryetarja e Lëvizjes Socialiste për Integrim, Monika Kryemadhi me anë të një lidhje telefonike në emisionin “Ftesë në 5’, është shprehur se i pëlqen që të konsumojë ndonjë teke raki pasdite.

“Pimë nga një teke raki me hudhra të njoma dhe pak ullinj mbasdite, përdorim pak djathë kaçkavall. Para se ta përdorim djathin e fus në ujë të nxehtë. Deri tani kam kuptuar që jeta jonë në shtëpi ka qenë hotel. Mendoj që ka një ndikim pozitiv edhe tek fëmijët sepse nuk janë të vegjël por të rritur dhe për shkak të jetës së tyre të kufizuar kanë mungesë informacioni por ndihen edhe të tërhequr dhe kjo ka qenë e nevojshme. Me Borën flasim shumë edhe për shkak të profesioneve,”- ka treguar Kryemadhi.