Të shtunën merr kupën, klubi Vllaznia ka një kërkesë për tifozët

Këtë të shtunë, Vllaznia luan ndeshjen e fundit të sezonit në Kategorinë e Parë. Një sezon i lehtë për kuqeblutë, që ia dolën pa vështirësi të rikthehen brenda sezonit në Superiore. Kështu, ky kampionat do të mbyllet ndaj Erzenit.

Në prag të kësaj sfide, klubi Vllaznia ka dalë me një deklaratë në faqen zyrtare, ku fton tifozët të jenë të pranishëm në stadium, në dorëzimin e kupës për triumfin në grupin A të Kategorisë së Parë.

“Të shtunën ekipin i Vllaznisë do të zhvillojë ndeshjen e fundit të fazës së tretë të kampionatit, atë ndaj Erzenit. Takimi do të luhet në stadiumin “Loro Boriçi” në orën 16:00 dhe sigurisht që skuadra jonë do të kërkojë ta mbyllë me fitore këtë fazë. Stafi teknik nuk do të ketë në dispozicion vetëm mesfushorin- sulmuesi Silvio Zogaj i cili është i penalizuar me kartona ndërsa pjesa tjetër e lojtarëve është e gatshme. Në përfundim të ndeshjes, FSHF do të zhvillojë edhe ceremoninë e dorëzimit të kupës për ekipin tonë si kampion i Grupit A për këtë sezon. Prandaj ju ftojmë të jeni të pranishëm në stadium ditën e shtunë.” /ShkodraNews

Lexo edhe: