Thuhet se fiton shuma marramendëse e bën jetë luksi, këngëtarja befason me përgjigjen e saj

Para disa muajsh martoi djalin dhe dasma e tyre bëri bujë në media.

Këngëtarja e njohur kosovare, Shyhrete Behluli dhe nusja e saj Learta Jakupi, folën me Bieta Sulon dhe treguan më shumë nga jeta familjare.

Shyhretja tregoi se në familjen e tyre të madhe, marrëdhëniet mes njëri-tjetrit janë shumë të mira. Ajo tha se këngën e ka pasion, duke pranuar më pas që fatmirësisht merr edhe të ardhura të mira nga ky profesion.

“Falë Zotit kemi edhe të ardhura të mira prej këngës, jo aq sa mendojnë njerëzit, por për një jetë mesatare normale”, tha ajo.

E teksa Bieta e ngacmoi duke i thënë se njerëzit mendojnë se familja e tyre është shumë e pasur, Shyhretja qeshi e më pas theksoi:

“Nuk mendoj asnjëherë për pasuri se kam dëshirë që së pari të kem një familje të shëndoshë e të jemi mirë me shëndetin, se pasuria nuk ka skaj. Nuk kërkoj të kem shumë, kërkoj të kem harmoni në familje e kjo është në rend të parë. Për të tjerat, çfarë të sjellë Zoti, janë të mirëseardhura”, përfundoi ajo.