“Vajza duhet të ndërrojë zanat”, Olti Curri i kthehet sërish moderatores së njohur: Dinjiteti është dhuratë e rrallë

Nuk ndalet së shkaktuari polemika!

Blogeri i njohur Olti Curri publikoi dy ditë më parë një video, ku shfaqej moderatorja Fjoralba Ponarin, duke thënë: ‘Fatmirësisht sot të lindësh e bukur nuk është thjesht çështje fati, është edhe çështje profesionale’.

Fjoralba nuk e ka pritur mirë këtë dhe kanë filluar replikat mes tyre.

Pas mesazhit të fundit nga ana e Fjoralbës e cila i deklaroi gjithaçka të sqaruar dhe të mbyllur, Olti nuk ka nguruar t’i japë një përgjigje tjetër, ku madje i sugjeron të ndërrojë zanat, ndonëse sipas tij, Fjoralba prezantimin nuk e bëri asnjëherë zanat të sajin.

‘Kjo akoma nuk e kupton çfarë pune bën! Apo bën sikur nuk e kupton? Dmth 100 spektaklet që merren me personazhet e ekranit duhet të mbyllen. Domethënë Ermal Mamaqi paska bulluar Erion Braçen dhe Flor Binaj ka bulluar Rudina Magjistarin, unë e di që kanë bërë humor. (Qesh). Kjo as nuk ngjan me Kim Jong që do vetëm lavdërime. Nuk i trembem termit bullizëm, i trembem pseudo viktimave që bëhen të neveritshëm për t’ju dhimbsur publikut vetëm që t’i japë të drejtë. Por dinjiteti është dhuratë e rallë, më shpejt ke mundësinë të fitosh llotarinë Amerikane. Vajza duhet të ndërrojë zanat (edhe pse prezantimin nuk e bëri kurrë zanatin e saj) meqë pretendon që njerëzit vetëm ta admirojnë. Ka profesione plot që mund të jetë vetëm në zyrë, vendos edhe një pasqyrë dhe adhuron veten në heshtje apo me zë të lartë’.